Jơh nùs lùp còp rài kis pah ngai bơh kwang bàng, làng bol, ală cau ling tàm kơnhoàl bồt dê, Tổng Ƀí thư, Củ tịc lơgar jờng rơ uă ngan mờ sền dờng màng ală tă pơgồp bơh ală rơnàng kwang bàng, cau ling mờ làng bol tàm bồt dê tàm broă lơh bơt bơtàu mờ sền gàr Dà lơgar.

Tàm tơngai tus, Tổng Ƀí thư, Củ tịc lơgar sồr pơn jat tai bơt bơtàu lơngap lơngai sền gàr Dà lơgar tàm bồt bơlào dà lềng, sền gròi bơta lơh bal ală broă bè sền gàr lơngăp lơngai dà lơgar đah bồt Cồn Cỏ mờ ală bồt ndai. Mơkung sền gròi niam ngan rài kis phan bơna mờ nùs nhơm bơh kwang bàng, cau ling, làng bol kis mờ lơh broă tàm bồt, gàr tơl ală bơta bơsram sră mờ sền gròi sơnơm tam ba tơl làm ai làng bol in. Di dơ̆ do, Tổng Ƀí thư, Củ tịc lơgar ồng Tô Lâm neh jàu uă bơnah phan pà làng bol, ală mpồl ling tàm kơnhoàl bồt in, pơyoa tus ală nùs nhơm niam bơnĕ ngan bơh làng bol tiah hơđang ù gờl dê.