Tàm dơ̆ cri bơyai, Bàr kwang đơng lam bồ đơs, sùm sền kwơ mờ lơh niam bơnĕ rơlao tai bơta git gơ̆p lơh broă bal jŏ jòng, ring bal ai broă lơh broă bal jŏ jòng đah lơgar Việt Nam mờ lơgar Tây guh tàm bơta pa; lơh pràn broă tơnguh lơh broă bal mờ pơgơl mpồl đah Quốk hội bàr lơgar dê nàng tam gơl bal broă lơh mờng chài mờ tơnguh uă cồng nha lơh broă đah ală anih lơh broă adăt boh lam bàr lơgar dê.

Bè bơta tàm tiah do, bàr gah ring bal uă broă gàr niam bơta ring lơngai, kơ̆ kơl jăp, lơngăp lơngai, khăt gơboh gùng lòt tàm dà lềng, gùng rơndeh par, lơngăp lơngai, đơs sùm tus mờ broă pal geh bơh broă bơsong jơnau tam phà mờ broă lơh ring lơngai di pal mờ adăt boh lam bơh ală lơgar dê, tàm hơ̆ uă ngan là Kông uớk bơh Liên hợp quốk bè Adăt dà lềng nam 1982.