Tơnơ̆ dơ̆ wă yŭ rơyùm tàm klo ngai ngai 07/10/2024 (jat jiơ tiah do dê) tàm Điện Elysée, Paris, Tổng Ƀí thư, Củ tịc lơgar ồng Tô Lâm neh tìp mat cribơyai mờ Kwang atbồ lơgar Tây ồng Emmanuel Macron. Tàm dơ̆ tìp mat cribơyai, 2 nă kwang đơng lam bồ neh cribơyai tơl làm bè bơta lơh sa- mpồl bơtiàn tơl lơgar, bơta gĭt gơ̆p lơh broă bal đah 2 gah mờ ală broă tàm tiah do mờ ală lơgar sền gròi bal. Bàr gah ring bal tơnguh sơlơ tơnguh tai tàm pơgơl mpồl kwang bàng ală kấp, is ồn là kwang bàng kấp dờng tàm ală gah Đảng, Dà lơgar, Cín phủ, Quôk hội.

Bàr nă kwang đơng lam bồ ring bal yal bơr tơnguh bơta gĭt gơ̆p tus Lơh broă bal kwơ màng tơl làm mờ ring bal ală gùng dà broă lơh, broă lơh dờng nàng kờñ ai tơngume lơh broă bal kwơ màng tơl làm đah Việt Nam mờ Tây ngai sơlơ mut lơh broă jrô ơnàng làm uă, lơh broă ngan ngồn, di pal mờ tơngume lơh broă bal đah 2 lơgar dê tàm tơngai pa. Mờ jơnau lơh nền do, lơgar Tây gơ gơs lơgar sơn rờp tàm EU geh bơta gĭt gơ̆p Lơgar lơh broă bal kwơ màng tơl làm mờ lơgar Việt Nam.