Ala măt ală kwang bàng đơng lam bồ Đảng, Dà lơgar sền jơnau tàm dơ̆ tơnkah, Tổng Ƀí thư, Củ tịc lơgar ồng Tô Lâm đơs nền, 70 nam do tàm broă lơh kăc màng jăk chài bơh Đảng, bơh jơi bơtiàn dê tềng đăp mờ broă đơng lam jăk chài bơh Wa Hồ, bơh Đảng Dà lơgar mờ Cíñ phủ, càr lơgar Hà Nội sùm geh gơnoar, bơngă kwơ màng, pơgồp bal mờ ală bơta àng gơcrà pơnyờ să ngan.

Tổng Ƀí thư, Củ tịc lơgar ồng Tô Lâm kung kơ̆p kờñ, tơngai tus Ƀòn dờng pơn jăt tai tơrgùm uă ală broă lơh, bơsong pràn kơl dang bơta pràn bơ̆t bơtàu Càr lơgar Hà Nội mùl màl di pal tàm tiah tờm cíñ trị-sră nggal dà lơgar, tiah tờm dờng bè lơh sa , niam chài, bơto bơtê mờ bơsram, khoa họk, kông nghệ mờ tơrgùm ală lơgar; tiah drà ngăc ngar, lơh pa, tơlir, kloh, niam.