Tổng Ƀí thư, Củ tịc lơgar ồng Tô Lâm chờ gờm ală oh mi geh pồ lơh Kwang ătbồ Anih lơh broă ala măt lơgar Việt Nam tàm ală lơgar; đơs nền do là bơta chờ hờp mơkung là kơnòl broă dờng ngan mờ Đảng, Dà lơgar mờ Làng bol dê jàu kơnòl. Ală Kwang ătbồ Anih lơh broă ala măt lơgar Việt Nam tàm lơgar ndai ờ mìng là cau lơh kòn gùng lơm mờ gam pal là ală cau ngan ngồn lam lơh jăt gùng dà bơh Đảng, Dà lơgar dê, là ală cau lam lài tàm tiah lơh broă mờ lơgar ndai.

Tàm nùs nhơm hơ̆, Tổng Ƀí thư, Củ tịc lơgar ồng Tô Lâm sồr ală Kwang ătbồ Anih lơh broă ala măt tàm ală lơgar geh pồ đòm jăt nùs nhơm “lơh tờm is, pin dờn, pơnđơl pràn is, kơnờm is tàm bơta pràn, pơñiờ să jơi bơtiàn”, đòm jăt nùs nhơm cribơyai broă mờ lơgar ndai rài pa ndrờm pal mờ gơnoar broă kah yau, niam chài mờ bơngă cíñ trị, lơh sa bơh dà lơgar dê, yờ tơngguh gơnoar broă, bơngă lơgar Việt Nam dê tàm rài cíñ trị dunia.