Tổng Ƀí thư, Củ tịc lơgar ồng Tô Lâm tus mờ geh jơnau đơs tàm dơ̆ sơn đờm mŭt bơsram. Ơdŭ tề lam, bơto yal jơnau gĭt wă geh 49 nă cau bơsram, tơngai bơsram bơh ngai 14 nhai 10 nam 2024 tus ngai 25 nhai 11 nam 2024. Tơngu me geh 33 jơnau là ală broă tờm ngan bè bơta tờm nùs nhơm, jơnau đơs bơh Đảng; bơ̆t bơtàu Đảng, Dà lơgar bal mờ mpồl lơh broă cíñ trị; bơtàu tơnguh lơh sa, bơta niam chài, mpồl bơtiàn; sền gàr dà lơgar, lơngăp lơngai mờ lơh broă bal mờ lơgar ndai; khoa họk đơng lam, atbồ tàm bơta pa.

Tổng Ƀí thư, Củ tịc lơgar ồng Tô Lâm sồr, ală cau yal jơnau tus bal bơto, lơh jăt tơngu me broă Bơtơl bè lơi mùl màl geh cồng nha, tam gơl jơnau git wă gơs jơnau wă mờ lơh broă gơs gùng dà broă lơh jăk chài geh kwơ màng, pal sền gròi ngui uă ngan nùs nhơm rơcang lài, bơceh lơh bơh ală cau bơsram dê, sền kwơ broă tàm pơgơl bal đah cau bơto mờ cau kơlôi sơnơng, lơh jăt niam gùng dà broă lơh “bơsram lòt bal mờ lơh broă”, jơnau đơs pơgồp bal mờ mùl màl; sùm lơh jăt broă sền gròi, jăt sền broă bơsram, bơsram tàp nùs nhơm, broă lơh bơh cau bơsram tàm hìu bơsram Đảng dê; ai geh ală bơta ƀuơn nàng ală cau bơsram lơh gơs jăk kơnòl bơsram.