VOV4.K'Ho- Tây Nguyên là ù tiah bơh phan tam jŏ tơngai, tờm chi sa plai dờng bơh gùt lơgar dê. Sơrlèt mờ bơta bơh trồ prang duh, bơh trồ mìu jŏ ngai krơi is, mơya lơh sa suơn sre Tây Nguyên dê gam pơn jăt tai lơh geh ală phan uă ngan tăc mờ lơgar bơdìh, lam lài gùt lơgar tàm uă bơta. Tây Nguyên kung gam bơ̆t bơtàu gah lơh sa suơn sre gơdờp mờ ală jơnau geh ai bơh ală lơgar dê, mờ geh bơta kwơ krơi is bè niam chài, mpồl bơtiàn, tiah kis, nàng ai geh amih lơh kơl jăp tàm mpồl bơta kwơ gùt plai ù.

VOV4.K’Ho- Mang ngai 08/11, Củ tịc lơgar ồng Lương Cường lam bồ Mpồl cau ala măt kwang bàng kâp dờng lơgar Việt Nam dê neh lòt bơh Hà Nội lòt gùng còp ngan ngồn lơgar Kộng hoà Chile jăt jơnau jà bơh Kwang ătbồ lơgar Chile dê ồng Gabriel Boric Font bơh ngai 09- 12/11; còp ngan ngồn lơgar Kộng hoà Peru mờ tus bal Tơngleh Kwang bàng Kâp dờng Cribơyai Lơh broă bal lơh sa câu Á- Thái Bình Dương (APEC) nam 2024 tàm Lima, lơgar Peru dê jăt jơnau jà bơh Kwang ătbồ lơgar Peru dê ồng Dina Ercilia Boluarte Zegarra bơh ngai 12- 16/11 do.

VOV4.K’Ho- Mang ngai 08/11, Thủ tướng Cíñ phủ ồng Phạm Minh Chính neh rê tus lơgar Việt Nam tơn jơh niam bơnĕ dơ̆ lòt lơh broă tus bal Pơrjum Kwang bàng Kâp dờng Broă lơh Lơh broă bal Tiah dềt Mekong pờ ơnàng dơ̆ 08, Pơrjum Kwang bàng Kâp dờng Broă rơndăp lơh Lơh broă bal lơh sa Ayawadi Chaophray- Mekong dơ̆ 10 mờ Pơrjum Kwang bàng Kâp dờng Lơh broă bal Campuchia- Lào- Myanmar- Việt Nam mờ lơh broă tàm lơgar Lo.

VOV4.K’Ho- Mho ngai 08/11, Củ tịc lơgar ồng Lương Cường mờ Tổng Ƀí thư, Củ tịc lơgar Lào ồng Thongloun Sisoulith neh geh dơ̆ cribơyai pờ tơlik tàm internet nàng cribơyai bè bơta 2 lơgar mờ bơta gĭt gơ̆p đah Việt Nam mờ Lào dê.

VOV4.K’Ho- Drim ngai 08/11, tàm ƀòn dờng Trùng Khánh, Thủ tướng ồng Phạm Minh Chính neh tus bal tìp mat tơm bơh bơr mpồl lơh sa kă bro Việt Nam mờ Lo.

VOV4.K'Ho- Mho òr (08/11), ală mpồl lơh broă geh gơnoar neh sền gŏ tiah rơndeh par Yak-130 gơtìp gơdùh tàm bă brê dềt 428 (tiah tàm gùl đah anih sền gàr brê Drang Phôk mờ Anih sền gàr brê sồ 09) Brê Dà lơgar Yok Đôn, càr Dăk Lăk dê.

VOV4.K’Ho- Mho ngai 07/11, Thủ tướng ồng Phạm Minh Chính tus bal Pơrjum kwang bàng kấp dờng Lơh broă bal Campuchia- Lào- Myanmar mờ Việt Nam dơ̆ 11, geh bơyai lơh tàm ƀòn dờng Côn Minh, càr Vân Nam, lơgar Lo.

VOV4.K’Ho- Mho ngai 07/11, tàm Hìu duh broă Đảng Dà lơgar, Tổng Ƀí thư ồng Tô Lâm neh wă Kwang ătbồ Anih lơh broă ala măt lơgar Cuba tàm Việt Nam ồng Orlando Nicolas Hernandez Guillen di dơ̆ ồng tơn jơh tơngai lơh broă.

VOV4.K'Ho- Ngai òr (07/11), di tàm dơ̆ tus Pơrjum kấp dờng Lơh broă bal tiah dềt Mekong pờ ơnàng dơ̆ 08, Thủ tướng Cíñ phủ ồng Phạm Minh Chính neh geh dơ̆ pơrjum bơyai mờ Thủ tướng lơgar Lo ồng Lý Cường.

VOV4.K'Ho- Tổng Ƀí thư ồng Tô Lâm neh tus còp mờ đơng lam dơ̆ lơh broă mờ Mpồl Duh broă Đảng Ƀộ Sền gàr adăt boh lam bè cồng nha đơng lam, sồr lơh jăt kơnòl broă bơh Ƀộ dê bơh bồ tơngai lơh broă tus tŭ do mờ broă rơndăp lơh jơh tơngai lơh broă Pơrjum dờng dơ̆ XIII bơh Đảng dê.