Tàm pơrjum ƀăo, Ƀộ Kwang àng pà gĭt, bè gơnoăr broă, kơnòl broă bơh Ƀộ dê rơ̆p dờp 5 mpồl kơnòl broă bơh ală Ƀộ, gah broă. Kwang àng ală tiah geh rơndăp tăp sèng, tơrmù di pal gam kấp càr mờ kấp sàh. Tàm dơ̆ rơndăp tăp sèng, tơrmù di pal dơ̆ do, mpồl kwang àng pơn jat tai tơrmù 1 Kụk, tơrmù 7 cơldŭ lơh broă, 694 kwang àng kấp kơnhoàl; tơrmù mờr 6 rơbô mpồl (gơwèt Kwang àng kấp kơnhoàl).

Ƀộ Kwang àng neh pơgồp bal mờ Viện Kiểm sát Làng bol dờng ngan rlau jơh Dà lơgar, Anih cah rơña Làng bol dờng ngan rlau jơh Dà lơgar kơlôi sơnơng, bơt bơtàu, ai lơh jat Jơnau bơto pơlam ală gah nàng bơsong tơl làm ală broă tàm bơta gơrềng pơgồp bal bè broă lơh lùp khài, kŭp jàm, lơh jat kơrnoat lơh glài kŭp jàm đah anih lơh broă lùp khàu mờ Viện Kiểm sát Làng bol, Anih cah rơña Làng bol tàm ală tiah tŭ ờ gam geh Kwang àng kấp kơnhoàl tai.