Jăt mờ hơ̆, Ƀộ Cíñ trị lơh nền ntrờn tam pà broă, pồ ồng Nguyễn Hoàng Anh, Kwang geh jơng tàm Đảng Dà lơgar, Ƀí thư Mpồl duh broă Đảng lài do mờ mò Nguyễn Thúy Anh, kwang geh jơng tàm Đảng Dà lơgar, Kong kơnòl Anih duh broă Mpồl bơtiàn Quốk hội lài do at gơnoar broă Phó Lam bồ Mpồl Gùng dà broă lơh, Broă rơndăp lơh Dà lơgar dê.

Mpồl đơng lam Đảng Dà lơgar lơh nền ntrờn, pồ ồng Nguyễn Thế Mạnh, Kwang Lam bồ dờng Sền gàr rềs àr mpồl bơtiàn Việt Nam at gơnoar broă Phó Lam bồ Mpồl Gùng dà broă lơh, Broă rơndăp lơh Dà lơgar. Ala măt Ƀộ Cíñ trị, Mpồl đơng lam Đảng Dà lơgar, jào jơnau lơh nền mờ pà bơkào chờ gờm ai ală Phó Lam bồ Mpồl, Lam bồ Mpồl Gùng dà broă lơh, Broă rơndăp lơh Dà lơgar ồng Trần Lưu Quang đơs loh broă pồ tơl kwang bàng đơng lam Mpồl tơnggŏ broă sền gròi bơh Ƀộ Cíñ trị, Mpồl Đơng lam Đảng Dà lơgar dê, tàm hơ̆ uă ngan là ồng Tổng Ƀí thư dê, ndrờm pal mờ kơnòl broă  kơn jơ̆ kơn jŭt ngan jào Mpồl in tàm tŭ tơngai pa, mŭt tàm rài pa jơi bơtiàn dê.