Ƀộ trưởng Ƀộ Broă dơlam is mò Phạm Thị Thanh Trà pà gĭt, ngai 14/03, Ƀộ Cíñ trị pơrjum ring bal gùng dà broă lơh rơndăp tăp sèng, rơndăp wơl mpồl lơh broă sră nggal gơnoar atbồ ală kấp mờ bơt bơtàu broă lơh rơndăp broă gơnoar atbồ ală tiah 2 kấp, tàm hơ̆ geh broă lơh tơmut bal bàr pe càr, lời tĕ kấp kơnhoàl, tơmut bal uă sàh. Tơnơ̆ hơ̆, Đảng ủy Cíñ phủ rơ̆p pơyoa Ală jơnau neh lơh nền tă pơgồp jơnau đơs bơh ală tiah dê mờ pơyoa ală Ƀộ, gah broă nàng tă pơgồp jơnau đơs.

Kờp dŭ pơgăp nggùl nhai 4 nam 2025, Mpồl Sồr lơh yal mờ Mpồl Duh broă Dà lơgar in. Đơs tus broă rơndăp wơl mpồl lơh broă sră nggal gơnoar atbồ kấp sàh, Ƀộ trưởng Ƀộ Broă dơlam is đơs loh, tŭ do kấp sàh geh 10 rơbô 035 mpồl lơh broă, kờp dŭ rơ̆p rơndăp wơl mìng gam pơgăp 2 rơbô – “gơ lơh  bè là dùl kơnhoàl dềt”. Broă do gơwèt gơnăp gơnoar bơh Anih duh broă Lơh kơnòl broă sùm Quôk hội dê, digơlan lơh mơ tơn tơnơ̆ Pơrjum Mpồl Duh broă Dà lơgar. Tơnơ̆ tŭ Sơnoa boh lam tam gơl mờ tam gơl, bơtơl Adat gơnoar atbồ ală tiah bal mờ ală adat geh gơrềng, Ƀộ trưởng pà gĭt rơ̆p tơn jơh broă lơh bơh gơnoar atbồ ală tiah kấp kơnhoàl dê.