Pơrjum geh bơyai lơh tàm mho ngai 03/03 tàm hìu duh broă Ƀộ Priă jền dê bal mờ bơta geh măt bal bơh Phó Thủ tướng ồng Hồ Đức Phớc mờ Phó Thủ tướng ồng Nguyễn Chí Dũng dê. Tàm pơrjum, Lam bồ Vụ Rơndăp kwang bàng Ƀộ Priă jền dê neh sền yal Jơnau lơh nền Cíñ phủ dê cih gơnoar broă, kơnòl broă Ƀộ Priă jền dê tơnơ̆ tơmŭt bal, yal ală Jơnau lơh nền Thủ tướng Cíñ phủ dê pồ 5 nă Thứ trưởng pa dờp kơnòl broă bơh Ƀộ Priă jền dê.

Phó Thủ tướng Cíñ phủ ồng Hồ Đức Phớc mờ ồng Nguyễn Chí Dũng neh jàu jơnau lơh nền ai ală Thứ trưởng Ƀộ Priă jền pa in. Tàm pơrjum kung neh yal Jơnau lơh nền tơnggơs Đảng ƀộ Ƀộ Priă jền, Jơnau lơh nền sồr mŭt bal Mpồl Duh broă, Mpồl Lơh kơnòl broă sùm, Ƀó thư, Phó Ƀí thư Đảng ủy Ƀộ Priă jền tơngai lơh broă bơh nam 2020- 2025, tơnơ̆ hơ̆ là yal ală Jơnau lơh nền pồ Đơng lam (kâp lam bồ) bơh 35 mpồl lơh broă anih tờm bơh sơnrờp dê gơ wèt Ƀộ kung bè jàu jơnau lơh nền ai ală oh mi Đơng lam ală mpồl lơh broă pa dờp kơnòl broă.