Yal mờ Thủ tướng lơgar New Zealand in bè broă lơh sa- mpồl bơtiàn bơh ƀòn dờng dê, ồng Nguyễn Văn Được pà gĭt: là ƀòn dờng duh hồl ñhăp ñhar khà dùl bơh jơh gùt lơgar dê, ƀòn dờng Hồ Chí Minh geh uă jơnau tơl pràn bơcri priă mờ bơtàu tơngguh tàm uă broă. Củ tịc Anih duh broă Làng bol ƀòn dờng Hồ Chí Minh kơ̆p gơn, dơ̆ lòt còp lơh bơyô bal bơh Thủ tướng lơgar New Zealand ồng Christopher Luxon dê rơ̆p pờ tơlik tŭ niam lơh pràn lơh broă bal bơcri priă bơh ală mpồl lơh sa kă bro lơgar New Zealand dê tàm ƀòn dờng tàm tơngai tus.

Thủ tướng lơgar New Zealand ồng Christopher Luxon đơs là, nàng Việt Nam gơgơs dà lơgar geh priă lơh geh uă tàm nam 2045 bè jơnau kờñ neh geh ai kung gam uă broă pal lơh. Ồng kung kơ̆p kờñ dơ̆ lòt còp lơh bơyô dơ̆ do rơ̆p lơh tơngguh bơta gĭt gơ̆p lơh broă bal tơl làm đah 2 dà lơgar, lơh geh ală bơta nàng 2 đah in lơh broă bal tàm uă broă bè lơh sa, bơto bơtê, lòt nhơl, broă lơh sa sươn sre.