Do là broă kuơmàng ngan nàng kờñ lơh jat ngan ngồn jơnau lơh nền tơrmù mpồl cau lơh broă sră pơ àr gơnoar atbồ bơh dà lơgar dê. Broă ai jơnau đơs geh lơh ngac ngar, bơh pơrjum ƀòn tus phàt sră tàm hìu, gàr bơta tơl làm mờ loh làng.

Tàm ƀòn Ia Nueng, sàh Biển Hồ, ƀòn dờng Pleiku, làng bol jơh nùs ngan tă pơgồp jơnau đơs. Làng bol ai tơnggŏ bơta ring bal dồ nùs mờ broă rơndap lơh rề ơnàng sàh Biển Hồ, mờ kung sồr sơlơ ai kwang bàng cau jơi bơtiàn dồ êt nă cau lơh broă tàm gah sền gàr adat boh lam rê nàng dong làng bol tơnơ̆ tŭ tơmut bal. Tơngai lài, gơnoar atbồ sàh neh rơcang lài mblàng yal, yal loh làng jơnau lơh nền mờ lir tàm uă tiah. Lài hơ̆, Mpồl duh broă Đảng ƀộ càr neh ring bal jơnau lơh nền tơrmù bơh 218 gơmù gam 77 mpồl lơh broă sră pơ àr gơnoar atbồ kâp sàh. Tơnơ̆ tŭ ai jơnau đơs, Anih duh broă làng bol kâp sàh rơp yal, tơrgùm jơh pơyua kâp hơđang in sền sơ wì, lơh nền.