Tus bal dơ̆ tìp măt ala măt ală mpồl lơh sa kă bro bal mờ Củ tịc Anih duh broă Làng bol càr Gia Lai, gam geh ală Phó Củ tịc Anih duh broă Làng bol càr, kwang đơng lam bồ ờ uă sờh, gah lơh broă gơrềng bal. Tàm do, ồng Rah Lan Chung tơlik nùs nhơm kơ̆p kờñ broă tơrlòng lơh “Kơphe cau kă bro” rơ̆p là dùl gah cri bơyai tơn dong kờl gơnoar atbồ iăt jơnau đơs, jơnau yal bơh mpồl lơh sa kă bro dê, bơh tŭ hơ̆ di tŭ bơsong ală kal ke tàm broă lơh.

Tàm nùs nhơm chờ hờp, ala măt ală mpồl lơh sa kă bro neh yal bè broă lơh, mờ đơs tus ờ uă bơta kal ke, gơkòl. Kwang đơng lam càr bal mờ ală sờh, gah lơh broă gơrềng bal neh cri bơyai tơn, dờp ală jơnau đơs. Đơng lam càr Gia Lai kơ̆p kờñ mpồl bơtiàn mpồl lơh sa kă bro pơn jăt tai lơh broă bal, ai geh gùng dà broă lơh, pơgồp baol ală jơnau đơs pa, tus bal bơ̆t bơtàu càr Gia Lai gơs tiah tus niam ai broă bơcri priă in, pơgồp bal tàm broă lơh pràn broă lơh sa mpồl bơtiàn càr in. Jăt broă rơndăp lơh, broă tơrlòng lơh “Kơphe cau lơh sa kă bro” rơ̆p geh sùm jăt tơngai tàm drim ngai dơ̆ pram pah poh.