Mùl màl, ồng Nguyễn Trường Sơn, Kwang lam bồ Sờh Gùng lòt Jun pơn diang lài do geh pồ at gơnoar broă Kwang lam bồ Sờh Bơ̆t bơtàu tơnơ̆ mờ tŭ tơrgùm bal mờ Sờh Gùng lòt Jun pơn diang. Ală phó kwang lam bồ geh: ồng Lý Tấn Toàn, ồng Trần Đình Sơn, ồng Hà Anh Thái.

Ồng Đỗ Việt Hưng, Kwang lam bồ Sờh broă rơndăp lơh mờ Bơcri priă, geh pồ at gơnoar broă Kwang lam bồ Sờh Priă jền tơnơ̆ mờ tŭ tơrgùm bal mờ Sờh Priă jền. Ồng Lưu Trung Nghĩa, Kwang lam bồ Sờh broă lơh sa suơn sre mờ Bơtàu tơnguh Ƀòn lơgar, geh pồ lơh Kwang Lam bồ Sờh Broă lơh sa suơn sre mờ Tiah ơm kis, tơnơ̆ mờ tŭ tơrgùm mờ Sờh Phan geh is mờ Tiah ơm kis. Ồng Nguyễn Bá Thạch geh pồ lơh Kwang lam bồ Sờh Jơi bơtiàn mờ Jăt yàng. Broă rơndăp wơl, pồ kwang đơng lam bồ ală sờh, gah lơh broă tàm càr Gia Lai geh tàm gùng dà broă tơrmù di pal kwang bàng, tơnguh pràn, cồng nha lơh broă bơh gơnoar atbồ càr dê di jăt nùs nhơm jơnau lơh nền bơh Dà lơgar dê.