Ù tiah càr Kon Tum neh mŭt tàm tơngai trồ prang uă bơh kàl prang dê mờ sùm kơlôi rơcang gơtìp ồs sa tàm git nđờ rơhiang rtơbô lồ brê. Tềng đăp mờ bơta do, mpồl lơh broă geh gơnoar càr Kon Tum dê gam geh tơnguh nàng sền gàr ồs sa brê.

Jơnau yal bơh đah Sền gàr brê càr Kon Tum dê pà gŏ, ù tiah ală kơnhoàl: Ia H'Drai, Sa Thầy, Đăk Tô, Ngọc Hồi, Đăk Hà, Kon Rẫy, Đăk Glei, Tu Mơ Rông mờ ƀòn dờng Kon Tum geh jơnau yal kâp ồs sa brê gam là kấp 5, do là kấp ngòt rơngơ̆t ngan di gơlan ồs sadờng tàm jơh ală bơta brê. Ồng Nguyễn Văn Nam, Atbồ đah Sền gàr brê càr Kon Tum pà git, nàng kơrian ồs sa brê 14 mpồl cau tờm brê, tàm hơ̆ geh 7 kông ty, 7 Mpồl atbồ brê rơcang gàr lài, brê hòn is bal mờ gơnoar atbồ 10 kơnhoàl, ƀòn dờng tàm càr neh tơnguh mpồl cau sền gàr; lơh jăt nền nòn broă atbồ cau lik mờ mŭt tàm brê mờ sền gròi ồs nàng rơcang crùh ồs sa brê.