4 mpồl pơrlòng tus bơh càr: Dăk Lăk, Kon Tum, Bình Phước, Sơn La neh tus bal dar dŭt ndơl dơ̆ pơrlòng cau lơh broă sa pơrlòng bơta chài nam 2025. Do là ală mpồl pơrlòng jak ngan geh rơwah bơh ală dar sơn rờp lài hơ̆ nàng rơwah geh ală mpồl cau lơh broă sa tam kơphê pơn rơ ngan rlau jơh pơgồp bal geh mat tàm mang pơrlòng dŭt ndơl dê.

Mờ tơngume “tam kơphê ngăc nhar” ală cau pơrlòng lòt gan 4 bơnah pơrlòng: Cau lơh broă sa niam să, cau lơh broă sa ngăc ngar, cau lơh broă sa lơh bal mờ cau lơh broă sa bơta lòng. Bơh ală bơnah pơrlòng bơh ală cau pơrlòng dê neh tơngŏ bơta gĭt wă, bơta chài, mờng chài mờ bơta gĭt wă ngui bơta gơguh jak bơta chài tam phan pa dê tàm tam kơphê ngăc ngar gơdờp mờ tam gơl nhơm trồ tiah mờ ală broă geh gơrềng tus lơh gơlik, drà kă bro, lơh bal tam phan, lơh sa geh sră dờp, lơh gơs mờ bơtàu tơnguh ală lơh bal tàm gah phan kơphê Việt Nam dê.