Broă lơh do là dùl tàm ală broă lơh tàm Lơh chờ kơphe Buôn Ma Thuột dơ̆ IX nam 2025, chờ gờm tơnkah 50 nam tơnklàs Buôn Ma Thuột. Bơh suơn lơh kơphe sơnrờp ngan do, tờm kơphe neh hòn gơs mờ bơtàu tơnguh gùt Tây Nguyên, gơs phan tam tờm ngan cèng geh rài kis tơl ngui tơl sa ai làng bol in.

Gùt càr Dăk Lăk tŭ do geh di pơgăp 210 rơbô lồ ù tam kơphe, khà lơh geh pah nam rơlao 550 rơbô tấn kơphe gar. Priă tăc mờ lơgar ndai bơh kơphe càr dê geh tàm nam 2024 là 1 tơmàn 200 tơlăk dolar Mỹ. Ồng Nguyễn Thiên Văn, Phó Củ tịc Anih duh broă Làng bol càr Dăk Lăk pà git, nam sơnrờp càr bơyai lơh Pơrjum tiah lơh kơphe, là dùl tàm ală bơta tờm bơh Lơh chờ kơphe Buôn Ma Thuột dê, pơgồp bal tàm broă yal ală bơta phan geh lơh bơh broă lơh sa suơn sre  dê nàng cau năc in git.