Củ tịc lơgar ồng Lương Cường tus bal dơ̆ tơngkah kir sơnrai. Pơñiờ să mờ ngoh ngăc kah wơl ală nam nhai bòl glar ngan mơya khin cha jak chài, aniai kơn jơ̆ ngan mơya pơnrơ dờng, Củ tịc lơgar đơs sùm do kung là tŭ nàng sền wơl gơl gùng bơtàu tơngguh pràn kơldang càr Bình Phước dê- bă ù kơ̆ nùs dòn song, ờ bài kờñ kong, bềng bơhiàn kăc màng mờ khin cha jak chài gam brồ guh pràn kơldang. Củ tịc lơgar đơs nền Bình Phước ờ mìng brồ guh gơgơs anih pơnrơ tàm bơtàu tơngguh lơh sa- mpồl bơtiàn lơm mờ gam là cơng tàng tơnggŏ ai bơta kơ̆p kờñ, kơ̆p gơn ngan bơtàu tơngguh sùm bơh dồ bă ù neh geh tŭ gơtìp tam lơh lơh aniai.

Củ tịc lơgar đơs sùm, ală bơta kwơ bơh ring lơngai, tơrgùm dùl mờ bơtàu tơngguh ngai do dê geh bơ̆t mòn bơh ală lơh ngan, tă pơgồp dà kơlhề mờ phi să dờng ngan ngai òr dê. Jăt Củ tịc lơgar do ngan là bơta gơn kơnờm nàng tơl nă kòn bơnus Bình Phước pơn jăt tai brồ guh, lơh broă tơryăng tơryồng, bơceh lơh, sơm băt tê bal bơ̆t bơtàu dùl Bình Phước pas sơm, pa ngan, dipal mờ bơhiàn ờs mờng khin cha jak chài mờ ală rơnàng bèp bi neh roh uă dà kơlhề bơ̆t bơtàu gơs.