Củ tịc lơgar đơs nền, làng bol Việt Nam sùm kah prăp mờ sền dờng màng ală nùs nhơm, bơta kờñ bal, dong kờl kwơmàng ngan mờ làng bol lơgar Ajerbaijan dê neh lời ai lơgar Việt Nam in tàm sùm ală nam do. Củ tịc lơgar jờng rơ Anih kơlôi sơnơng Sền swì jăt sền làng bol dờng ngan rlau jơh lơgar Việt Nam mờ Anih kơlôi sơnơng Sền swì jăt sền dờng ngan rlau jơh lơgar Ajerbaijan neh kĭ Sră cih kah lơh broă bal di dơ̆ lòt còp dơ̆ do, bơh hơ̆ tơngguh uă cồng nha lơh broă Sền swì jăt sền, tam lơh dră wơl cau lơh tìs, sền gàr niam rlau gơnoar kòn bơnus, gơnoar cau làng bol, sền gàr bơta kwơ bal, sền gàr lơngăp lơngai, niam lơngăp lơngai ai bơtàu tơngguh lơh sa- mpồl bơtiàn bơh tơl dà lơgar dê.

Củ tịc lơgar sồr Anih kơlôi sơnơng Sền swì jăt sền bàr lơgar dê pơgồp bal niam tàm tam lơh dră wơl rơcăng, dră wơl cau lơh tìs, is ồn là cau lơh tìs geh mpồl gan dà lơgar, cau lơh tìs măy mŏk pa mờ lơh broă bal tàm broă sền gàr bơta kwơ bal tàm gơnoar broă, gơnăp gơnoar bơh 2 đah dê.