Đơs tàm pơrjum, Củ tịc Quôk hội pà gĭt, ală tơngume geh sền sơwì tàm pơrjum dơ̆ do nàng kờñ drơng broă lơh rơndăp tăp sèng tơrmù di pal mpồl lơh broă Dà lơgar tàm tơngai pơn jat tai. Củ tịc Quôk hội sồr ală anih lơh broă bơh Quôk hội dê pơn jat tai lơh jat niam nùs nhơm geh kơnòl, pơgồp bal niam mờ ală anih lơh broă bơh Cíñ phủ dê, rcang lài nền nòn ală tơngume yal Ƀộ Cíñ trị, Mpồl Duh broă Dà lơgar in gàr niam tŭ tơngai, bơta niam mờ jơnau sồr geh ai.

Củ tịc Quôk hội ồng Trần Thanh Mẫn sồr sơlơ tơnguh tai broă lơh mblàng yal, broă lơh bồ tơngoh cíñ trị tàm kwang bàng, đảng viên mờ làng bol, ring bal jơh bal bơta gĭt wă mờ broă lơh jat gùng dà broă lơh bơh Đảng dê tài bơta bơtàu tơnguh bơh Dà lơgar dê.