Tàm sàl Nà Nưa, Củ tịc Quôk hội ồng Trần Thanh Mẫn mờ mpồl lơh broă lời ết phuk kun pồ kah kơlôi Củ tịc Hồ Chí Minh; tơngŏ nùs nhơm gĭt ưn ngài ờ gĭt lơh ngan bè dà kơl hề dờng bè trồ tiah, ơnàng bè dà lềng bơh Wa Hồ dê, cau đơng lam bồ jak chài, sùm jơh rài kis tă pơgồp dà kơl hề ai lơngăp lơngai is jơi bơtiàn, tơrgùm dùl Dà lơgar, ai bơta khat gơboh, chờ hờp bơh làng bol dê.

Pơn jat hơ̆, Củ tịc Quôk hội ồng Trần Thanh Mẫn tus chu ñàng mờ tam tờm chi lời kơr sơnrai tàm Anih duh kah Tân Trào, tiah bơyai lơh pơrjum Làng bol Dà lơgar Pơrjum dờng tàm ală ngai 16 mờ 17/8/1945, lơh nền ring bal Ntào tam lơh dờng ai geh gơnoar atbồ tàm jơh gùt lơgar dê. Củ tịc Quôk hội ồng Trần Thanh Mẫn jơh nùs bal mờ jơh gùt Đảng, jơh gùt ling klàng mờ jơh gùt làng bol pơnđơl pràn lơh ngan lam lơh tus geh ală gùng dà broă lơh, pơlam gùng dà, broă lơh dờng bơh Đảng Dà lơgar, Quôk hội, Cíñ phủ dê nàng lam Dà lơgar mut tàm rài pa rài brồ să bơtàu tơnguh pas pràn, sơlơ bơtàu tơnguh tai bơh jơh bơtiàn dê.