Ala măt ai Đảng ủy Quôk hội, Anih duh broă Lơh kơnòl broă sùm Quôk hội, Củ tịc Quôk hội ồng Trần Thanh Mẫn cih dờp mờ jờng rơ ală cau ala măt Quôk hội mờ ùr kwang bàng bơh ală anih lơh broă Quôk hội dê. Củ tịc Quôk hội ồng Trần Thanh Mẫn đơs sùm, Đảng neh geh uă jơnau lơh nền tàm pơrjum, jơnau sồr là pal sền gròi tus ùr kwang bàng bè nùs nhơm mờ phan bơna, ai tơl bơta ƀươn ƀoài nàng cau ùr in geh bơta tă pơgồp dà kơlhề, bơsram, tus bal ală broă lơh mpồl bơtiàn. Tài bè hơ̆, broă sền gròi tus cau ùr ờ mìng tàm ală ngai 08/03 halà ngai 20/10 lơm mờ là pal sền gròi dùl bă sùm sùm.

Củ tịc Quôk hội ồng Trần Thanh Mẫn tơngkah Anih duh broă Lơh broă cau ala măt tàm tơngai lơh broă Quôk hội khoă XVI, Mpồl duh broă Làng bol ală kâp tơngai bơh nam 2026- 2031 pal lơh jăt di ală jơnau sồr bơh Đảng dê bè khà ùr cau ala măt Quôk hội, tus bal cau ala măt Mpồl duh broă Làng bol ală kâp, khà ùr tus bal tàm đơng lam tàm ală anih lơh broă Quôk hội dê”.