Tàm hơ̆, Rơndăp broă lơh bơnah 3 gơ wèt Rơndăp broă lơh bơcri priă lơh gùng rơndeh lòt mhar Khánh Hoà – Buôn Ma Thuột tơngai 1 geh bơta jòng kờp jơh jòng 48 kơi sồ, bơh Kơi sồ 69 mờ 500 (sàh Ea Kar) tus Kơi sồ 117 mờ 593 (sàh Ea Knuếc), lòt gan 7 sàh geh: Ea Ô, Vụ Bổn, Tân Tiến, Krông Pắc, Ea Knuếc, Ea Ning mờ Ea Ktur. Rơndăp broă lơh gơgơs gùng bơkang kwơmàng tàm tơrbŏ Tây Nguyên mờ tiah kềng gah dà lềng đah jum tàm gùl lơgar, tàm tơrbŏ bal ală gùng song, lơh geh cồng nha ală rơndăp broă lơh phan bơna neh mờ gam bơcri priă, bơh hơ̆ pờ ơnàng ù tiah bơtàu tơngguh, tơngguh uă pràn jak tàm pơrlòng, gàr niam sền gàr dà lơgar mờ lơngăp lơngai mờ chồl tơngguh lơngăp lơngai rài kis mpồl bơtiàn in.

Bal mờ hơ̆, Rơndăp broă lơh bơcri priă lơh gùng Hồ Chí Minh gơl pleh đah măt tơngai Lik Buôn Ma Thuột geh bơta jòng 39,6 kơi sồ, anih sơnrờp tàm sàh Cuôr Dăng mờ anih dŭt ndơl tàm sàh Hoà Phú, lòt gan 5 sàh, sơnah ƀòn, geh: Cuôr Dăng, Ea Kao, Hoà Phú, Ea Knuếc mờ Ea Ktur. Rơndăp broă lơh pơgồp bơnah gơmù bơta kơn jơ̆ ai kơnhoàl ù tiah tiah drà tiah tờm in, tơngguh uă cồng nha ngui gơl gùng Hồ Chí Minh, sơlơ tàm tơrbŏ tai đah ală càr Tây Nguyên, drơng bơtàu tơngguh lơh sa – mpồl bơtiàn mờ bơ̆t bơtàu pràn kơldang nùs nhơm rơcăng sền gàr dà lơgar mờ lơngăp lơngai kơnhoàl ù tiah do.

Kung tàm ngai do sơl, tàm kơnhoàl ù tiah đah măt tơngai Lik càr Dăk Lăk dê hơ̆ là càr Phú Yên yau, bàr pe broă bơ̆t bơtàu tờm kwơmàng ndai kung geh dồ ròt sơnđờm lơh mờ sơnđờm lơh, geh: rơndăp broă lơh Tiah lòt nhơl ơm rlô pràn să niam ngan Cù Lao Mái Nhà tàm sàh Ô Loan mờ bàr rơndăp broă lơh hìu ơm mpồl bơtiàn tàm sơnah ƀòn Bình Kiến mờ kơnhoàl ù tiah đah Tô gùng Trần Phú, sơnah ƀòn Tuy Hoà, pơgồp bơnah lơh sir phan bơna tiah drà mờ lơh geh jơnau kờñ gàr niam lơngăp lơngai rài kis mpồl bơtiàn làng bol ƀòn lơgar dê.