Mpồl lơh broă geh Thượng tướng ồng Phùng Sĩ Tấn, Phó Lam bồ Gah đơng lam Mpồl Ling klàng Làng bol Việt Nam lơh lam bồ mpồl neh jào pà hìu nùs nhơm ai 5 hìu nhă dờp bơta dong kờl mpồl bơtiàn dê in, tơl nơm hìu kờp priă 80 tơlăk đong, mờ 10 nơm hìu Tam klăc dờng ai ală hìu rơƀah, tơl nơm hìu kờp priă 50 tơlăk đong.

Bơdìh hơ̆ tai, đơng lam Gah đơng lam Mpồl Ling klàng gam jàu 50 pò phan ai 50 hìu kal ke tàm càr in. Kờp jơh priă  jào pà hìu mờ phan là mờr 1 tơmàn 100 tơlăk đong. Jăt Đơng lam Gah đơng lam Mpồl ling klàng đơs, Tây Nguyên sùm geh Đảng, Dà lơgar bal mờ Ƀộ Ling klàng sền là tiah kwơ màng bè broă sền gàr dà lơgar, lơngăp lơngai gùt lơgar dê. Tiah do, làng bol ală jơi bơtiàn kis tàm càr Dăk Lăk đơs is mờ ală càr Tây Nguyên đơs bal sùm đờm jăt nùs nhơm kăc màng, tam klăc bal dùl nùs tam lơh mờ ling sò tơm. Bơta do ai tơngŏ loh làng tàm rài tam lơh Tây Nguyên, tŭ ling klàng bal mờ làng bol gùt lơgar tus bal tam lơh, pha lin, tơnklàs đah jum, dà lơgar tơrgùm bal.