Tàm dơ̆ lơh broă, ala măt Kông ty Broă bơ̆t bơtàu ală lơgar Kụk 2 gùng rơndeh ồs lơgar Lo kơ̆p kờñ càr Lâm Đồng yal bè rơndăp ù tiah gơrềng tus gơl gùng rơndeh ồs Dà Làc- Tháp Chàm, ai tơl bơta nàng mpồl lơh broă in tus bal, lam lơh ală broă kờñ pal lơh wèt tus lơh sir jơnau yal kơlôi sơnơng gơtùi lơh jăt ngan ngồn nàng geh lơh rơndăp broă lơh lơh wơl gùng rơndeh ồs do. Mờ Kông ty Broă bơ̆t bơtàu ală lơgar Kụk 2 gùng rơndeh ồs lơgar Lo kung dan mờ càr Lâm Đồng ai gơnoar lùp, cribơyai tŭ niam lơh broă bal nàng hòi jà lơh rơndăp broă lơh pờ ơnàng gùng par ală lơgar tàm tơrbŏ Dà Làc- Singapore, Dà Làc- Siem Reap mờ bàr pe lơgar tiah đah tô măt tơngai Lik câu Á, bè: Nhờk, Hàn Quốc.

Jăt ồng Trần Hồng Thái, Củ tịc Anih duh broă Làng bol càr Lâm Đồng, broă lơh wơl gơl gùng rơndeh ồs Dà Làc- Tháp Chàm kung bè pờ ơnàng ală gùng par ală lơgar ndrờm kờñ ngan, dipal mờ ală rơndăp ù tiah neh geh sền swì ring bal.