Rơndăp broă lơh Gùng rơndeh lòt mhar Khánh Hoà- Buôn Ma Thuột (bơnah broă 3) jòng rlau 48 kơi sồ, mờ kờp jơh priă bơcri 6 rbô 765 tơmàn đong. Tus tŭ do, ală mpồl lơh broă lơh gùng neh lơh sir bơnah ală bơtô mŭt, brong tàm gơl gùng mờ lơh geh 22 nơm rbàng, geh 75%. Bulah bè hơ̆, tơngai pơrgon ai priă mìng geh 1 rbô 525 tơmàn đong, geh 37%. Mpồl Ătbồ rơndăp broă lơh bơcri priă lơh Broă bơ̆t bơtàu gùng lòt mờ Broă lơh sa sươn sre mờ Bơtàu tơngguh ƀòn lơgar càr Dăk Lăk pà gĭt, jơnau bơh tài gơbàn bè do là tài bơh ală mpồl lơh broă ờ hềt tơrgùm măy mŏk phan bơna nàng lơh tơngguh tai tŭ tơngai, tơnguh dơ̆; anih tăc phan ngui lơh gùng bè lŭ, ù ờ hềt di tŭ.

Đơs tàm dơ̆ pơrjum, ồng Trương Công Thái, Phó Củ tịc Anih duh broă Làng bol càr Dăk Lăk sồr cau lơh tờm broă mờ cau ờ lơh tờm broă pal lơh ngan pơnđơl nàng tơngguh tai măy mok phan bơna, rơndeh, măy mŏk mờ kòn bơnus nàng gơtùi lơh di tơngai mờ tơngguh dơ̆ lơh tơnguh tơngai lơh den pal lơh jăt niam kràñ cê. Tus tŭ cau ờ lơh tờm ờ gơtùi lơh geh bơnah broă, tơngai pơrgon lơh den pal tơn jơh mờ cau ờ lơh tờm broă, cau lơh tờm broă pal kong kơnòl gơ wèt mờ cau tờm bơcri.