Do là jơnau yal tàm dơ̆ pơrjum ƀăo drim ngai 27/02 bơh Ƀộ Ling klàng pơgồp bal mờ Tỉñ ủy càr Dăk Lăk bơyai lơh. Pơrjum cribơyai nàng kờñ đơs nền, lơh jrô ơnàng tai bè bơngă, jơnau kwơmàng bơh Tam lơh pha lin Tây Nguyên dê gơ wèt mờ dơ̆ ntàu tam lơh dră bol sò tơm Mỹ, dong klàs dà lơgar; jòi bàn jơnau bơh tài lơh geh pha lin, ai geh ală jơnau bơsram mờng chài nàng pơn jăt tai đòm jăt tàm broă lơh bơ̆t bơtàu mờ sền gàr Dà lơgar tŭ do.

Mơkung lơh mpờl gŏ ală broă lơh geh bơh Đảng ƀộ, gơnoar ătbồ mờ làng bol ală càr Tây Nguyên đơs bal mờ càr Dăk Lăk đơs is tơnơ̆ 50 nam lơh bời wơl tềl sồt tam lơh, ngui niam bơta kwơ ring lơngai mờ nùs  nhơm jơh nùs tam lơh, tam lơh tus geh pha lin bơh Tam lơh pha lin Tây Nguyên dê nam 1975 tàm lơh jăt broă lơh tam lơh pa. Pơn jăt tai ngui niam bơhiàn niam chài jơi bơtiàn dê mờ bơta ƀươn bơta pràn càr dê, lơh kah wơl bồ tơngoh mờ bơta kơ̆p kờñ sùm brồ să tàm rài pa bơh jơi bơtiàn dê, bơ̆t bơtàu tiah dờng màng Tây Nguyên mờ càr Dăk Lăk ngai sơlơ pas niam, jak chài.