Jăt ồng Jensen, jơnau kờñ dơ̆ lòt còp do dê là nàng kờñ jòi boh bơr jrô ơnàng làm uă bè gùng dà broă lơh lơh broă mờ lơgar ndai mờ lơngăp lơngai kung bè tơngguh tai lơh broă bal đah quôk hội 2 lơgar dê tàm tŭ bơta ù tiah cíñ trị gam tam gơl mhar ngan.

Tàm dơ̆ lòt còp do, Anih duh broă Gùng dà broă lơh Lơh broă mờ lơgar ndai Quôk hội lơgar Đan Mạch tam tìp mờ cribơyai mờ ală đơng lam Quôk hội mờ Cíñ phủ lơgar Việt Nam bè ală broă ù tiah cíñ trị, gùng dà broă lơh lơh broă mờ lơgar ndai mờ lơngăp lơngai kung bè cribơyai tŭ niam lơh broă bal kơ̆ kơl jăp rlau tai đah quôk hội 2 lơgar tàm ală broă mờ 2 đah sền gròi bal. Ngai 03/03, mpồl Anih duh broă Gùng dà broă lơh Lơh broă mờ lơgar ndai Quôk hội lơgar Đan Mạch dê neh geh dơ̆ pơrjum mờ Anih duh broă Sền gàr dà lơgar, Lơngăp lơngai mờ Lơh broă mờ lơgar ndai Quôk hội Việt Nam.

Tàm dơ̆ pơrjum do, 2 đah tơrgùm cribơyai broă gơlik geh bơta tàm dunia mờ kơnhoàl ù tiah do, ală broă uă gah, adăt boh lam ală lơgar, bơta gĭt gơ̆p đah Việt Nam mờ Đan Mạch mờ Việt Nam mờ EU.