Tàm dơ̆ lơh broă, ồng Trần Việt Trường đơs niam ngan broă lơh rơcăng bơh càr Kon Tum dê ai ƀùi lơh broă in; sền gŏ càr Kon Tum gam uă kal ke bơta lòng, ờ hềt lơh jơh bơta pràn, bơta ƀươn; ờ hềt geh gùng dà broă lơh krơi is; ờ geh priă jền ndrờm pal nàng lơh jăt ală broă…Mpồl sền swì 1922 Ƀộ Cíñ trị dê kung cih dờp uă broă mùl màl ală tŭ lơh jăt Jơnau đơs pơndŭt sồ 123 Mpồl Duh broă Đảng Dà lơgar dê mờ Jơnau lơh nền tàm pơrjum sồ 57 Ƀộ Cíñ trị dê.

Càr Kon Tum dan Quôk hội gờñ sền swì, ai lơh jăt Jơnau lơh nền tàm pơrjum bè bàr pe gùng dà, broă lơh krơi is bơtàu tơngguh tiah Tây Nguyên jăt nùs nhơm Jơnau lơh nền tàm pơrjum sồ 23 Ƀộ Cíñ trị dê bè gùng dà bơtàu tơngguh lơh sa- mpồl bơtiàn mờ gàr niam sền gàr dà lơgar, lơngăp lơngai tiah Tây Nguyên tus nam 2030, bơta wèt sền tus nam 2045; dan Thủ tướng Cíñ phủ, Ƀộ Bơ̆t bơtàu gờñ sền gròi, sền swì ai gùng dà lam lơh bơcri priă rơndăp broă lơh gùng rơndeh lòt mhar Quảng Ngãi- Kon Tum nàng kờñ ai tơl bơta nàng 2 càr in bơtàu tơngguh.