Nggùl rài sền wơl tam lơh pha lin Đức Lập, anih sơnđờm dơ̆ tam lơh Tây Nguyên in
Thứ ba, 14:55, 04/03/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Wèt tus tơngkah kir sơnrai 50 nam tơngklàs jơh gùt tiah đah Jum, dà lơgar tơrgùm dùl, mho ngai 03/03, Anih Kơlôi sơnơng mờ Bơsram Cíñ trị- Ƀộ Ling klàng pơgồp bal mờ Anih duh broă Làng bol càr Dăk Nông bơyai lơh Pơrjum cribơyai jak chài “Tam lơh pha lin Đức Lập- Nggùl rài sền wơl” mờ bơta tus bal bơh uă cau gĭt wă jrô, cau jak chài jơnau kah yau, ală cau lơh cơng jơnau kah yau.
Ngai 09/03/1975, bơh bơta đơng lam Đảng dê, să tờm tơn là Anih duh broă Đơng lam Đảng Ling klàng Dà lơgar, Ƀộ Ling klàng, Gah Đơng lam Dơ̆ tam lơh Tây Nguyên, ling klàng mờ làng bol he neh pơgồp bal, guh ntàu sò tơm, tơngklàs Đức Lập. Jăt ală cau ala măt tus bal pơrjum cribơyai, 50 nam neh lòt rlau, mơya Tam lơh pha lin Đức Lập tus tŭ do kung gam wơl bè ờs sơl bơta kwơ mờ lời wơl uă jơnau bơsram mờng chài kwơ tàm broă lơh sền gàr Dà lơgar.
Mờ tam lơh pha lin Đức Lập kung gam là bơta pơniờ să, bơta gơn kơnờm dờng ngan nàng Đảng ƀộ, Gơnoar ătbồ mờ làng bol tàm càr Dăk Nông tam klăc, ring bal, jơh nùs sơrlèt kal ke, bơta lòng bơ̆t bơtàu ƀòn lơgar ngai sơlơ bơtàu tơnguh, pas pràn.
Viết bình luận