Dơ̆ do, geh 8 nă kwang bàng geh ntrờn, pồ, sồr ăt ală gơnoar broă đơng lam tờm ngan càr dê, tàm hơ̆ geh 3 nă Kwang bàng Tỉñ ủy càr. Mpồl Lơh kơnòl broă sùm Tỉñ ủy càr Lâm Đồng lơh nền ntrờn ồng Đinh Văn Tuấn, lời ăt gơnoar broă Ƀí thư Huyện ủy kơnhoàl Di Linh nàng dờp kơnòl broă Phó Củ tịc Anih duh broă Làng bol càr Lâm Đồng tơngai lơh broă bơh nam 2021- 2026.

Mơkung, ntrờn ồng Trần Hồng Quyết lời ăt gơnoar broă Kwang Lam bồ Sờh Broă dơlam is, sồr mŭt bal tàm Mpồl Duh broă Đảng ƀộ kơnhoàl Di Linh, ăt gơnoar broă Ƀí thư Huyện ủy kơnhoàl Di Linh tơngai lơh broă bơh nam 2020- 2025. Mpồl Lơh kơnòl broă sùm Tỉñ ủy càr Lâm Đồng kung ntrờn mò Phạm Thị Hồng Hải, Kwang Lam bồ Sờh Bơto bơtê tus Mpồl Mblàng yal bơto bơtê mờ Hòi jà làng bol Tỉñ ủy càr ăt gơnoar broă Phó Lam bồ mpồl. Ntrờn, pồ ồng Vương Tôn Kiên ăt gơnoar broă Ătbồ phó Cơldŭ lơh broă Tỉñ ủy càr; ồng Nguyễn Văn Hữu ăt gơnoar broă Phó Ƀí thư Huyện ủy kơnhoàl Đơn Dương. Đơs sồr lơh tàm pơrjum, ồng Nguyễn Thái Học, Ătbồ ing Ƀí thư Tỉñ ủy càr Lâm Đồng đơs nền, broă ntrờn, pồ do gơlik bơh jơnau sồr kơnòl broă bơh ală ƀòn lơgar dê, sờh gah dê, pràn jak lơh broă kwang bàng dê mờ geh kơlôi tus rơndăp kwang bàng lơh broă Tỉñ ủy càr nàng drơng ai Pơrjum dờng Đảng ƀộ càr dơ̆ XII in, lơh jăt di jơnau đơs rwah di cau mờ jàu di broă.