Tơlik nùs nhơm niam ngan tềng đăp ală broă lơh geh bơtàu tơngguh bơh lơgar Đan Mạch dê- dùl tàm ală dà lơgar gơboh gơbài mờ geh khà kis jơnhoa ngan rlau jơh tàm dunia, mờ rài niam chài bềng bơhiàn ờs mờng bơh yau mờ rài kis niam chài krơi is, làng bol Đan Mạch mền năc mờ gơboh brê bơnơm geh is. Mơkung pà gĭt, mŭt tàm rài pa, rài brồ să jơi bơtiàn dê, Việt Nam gam lơh jăt lơh tam gơl pa adăt boh lam, ală anih lơh broă cíñ trị, mpồl lơh broă ătbồ dà lơgar ală kâp; mơkung chồl tơngguh ală gơn kơnờm gơguh lơh sa pa; lơh tơngkah wơl pràn kơldang nùs nhơm khin cha jak chài jơi bơtiàn dê, nùs nhơm rơcăng lài is, kơnờm tàm bơta pràn is, pơnđơl pràn is, pơñiờ să jơi bơtiàn, kơ̆p kờñ ngan bơtàu tơngguh dà lơgar.

Kong kơnòl Anih duh broă Gùng dà broă lơh Lơh broă mờ lơgar ndai Quôk hội lơgar Đan Mạch đơs nền, Quôk hội lơgar Đan Mạch sùm sền gròi lơh broă bal mờ Việt Nam mờ rơ̆p pơn jăt tai geh ală tă pơgồp nàng ai bơta gĭt gơ̆p lơh broă bal niam bơnĕ đah 2 lơgar gơguh tus gơnoar broă jơnhoa pa, ngai sơlơ ngan ngồn, geh cồng nha rlau.