Tàm dơ̆ wă, Kwang ătbồ càr Sarath Abeykoon đơs niam ngan dơ̆ lòt còp bơh Phó Củ tịc Quôk hội lơgar Việt Nam dê ồng Nguyễn Đức Hải mờ mpồl cau ala măt kâp dờng Quôk hội lơgar Việt Nam tus càr Trung, cèng tus nùs nhơm lơh bơyô kung bè pờ tơlik uă tŭ niam lơh broă bal đah càr Trung, lơgar Srilanka dê mờ ală ƀòn lơgar bơh Việt Nam dê. Phó Củ tịc Quôk hội đơs sùm, tìp măt lơh kwèng bè Yàng Phờk đah Việt Nam mờ Srilanka neh geh bơh jŏ rài.

Mờ broă yờ tơngguh ală bơta kwơ ring lơngai, nùs kờñ gơboh, Yàng Phờk ngan là dang che đah hwềng tam klăc nùs nhơm mờ nùs lơh bơyô bal đah làng bol bàr lơgar Việt Nam mờ Srilanka. Đơs là, ƀòn dờng Kandy đơs is mờ càr Trung, lơgar Srilanka dê đơs bal geh uă bơta pràn, bơta ƀươn mờ uă bơta ndrờm bal mờ ală ƀòn lơgar tiah đah tàm gùl lơgar Việt Nam dê, Phó Củ tịc Quôk hội sồr Kwang ătbồ càr Trung hòi jà lơh broă bal, kĭ jơnau ring bal lơh gĭt gơ̆p lơh oh mi mờ ală càr tiah tàm gùl lơgar bơh Việt Nam dê nàng bơtàu tơngguh lơh sa, lòt nhơl mờ tìp măt lơh kwèng bal làng bol.