Phó Thủ tướng sồr bàr gah pơn jăt tai tơnguh rơlao tai broă tàm pơgơl mpồl, tàm hơ̆ uă ngan là mpồl kấp dờng, bơh tŭ hơ̆ ai bơta git gơ̆p đah bàr lơgar gơguh dùl bơta pa.

Củ tịc Hạ viện lơgar Anh ồng Hoyle đơs niam bàr lơgar gam uă bơta geh nàng pờ ơnàng lơh broă bal tàm ală gah broă bè kă bro phan, bơcri priă, jăk chài – măi mok pa, bơto bơtê mờ bơsram, lơh sơnơm, lơh phan lơh sơnơm, lơh gơs phan sa, lòt nhơl, tìp bal làng bol... mờ ai tơngŏ Hạ viện lơgar Anh sùm kờñ bal, tŭ lơi kung kờñ dong kờl Cíñ phủ bàr lơgar tàm broă tơnguh, lơh nền nòn rơlao bơta git gơ̆p đah bàr lơgar dê. Củ tịc Hạ viện lơgar Anh kung sồr bàr gah pơgồp bal tàm ală bơta lơngăp lơngai, rơcang kơrian cau tìs, tàm hơ̆ geh rơcang kơrian kis ntrờn ờ di mờ adăt boh lam. Di tàm dơ̆ do, Phó Thủ tướng Duh broă sùm Cíñ phủ bal mờ Củ tịc Hạ viện lơgar Anh neh tam pơgơl bal uă bơta tàm tiah do mờ tàm ală lơgar geh sền gròi bal.