Tàm dơ̆ tìp, Phó Thủ tướng Duh broă sùm Cíñ phủ ồng Nguyễn Hoà Bình đơs sùm bơta git gơ̆p cíñ trị đah lơgar Việt Nam mờ lơgar Anh bơtàu tơnguh niam bơnĕ, ală mpồl lơh sa kă bro lơgar Anih geh bơngă pin dờn uă, uă mpồl lơh sa kă bro neh lơh sa geh cồng nha tàm lơgar Việt Nam mờ kơ̆p kờñ ngai sơlơ geh tai uă cau bơcri priă lơgar Anh sền gròi tus ală gah broă ai lài lơgar Việt Nam dê.

Tàm bơta dunia tam gơl pràn kơl dang, Phó Thủ tướng đơs sùm lơgar Việt Nam gam lơh pràn broă tam gơl gùng dà broă lơh, tơnguh tiah bơcri priă, hòi jà ală cau bơcri priă priă jền mờ jơnau geh ai tàm adăt boh lam bè priă jền dờng, is ồn tàm ală gah broă pa pơnrơ bè bơta ngăc ngar kòn bơnus lơh is (AI), ƀán zẫn, năng lượng lơh geh wơl. Tơn jơh dơ̆ lơh broă, bàr gah ring bal pơn jăt tai pơgồp bal nền nòn bơh Kwang atbồ anih ala măt bal mờ ală gah lơh broă mùl màl, lơh pràn bal ală gah broă lơh broă bal tờm mờ ai bơta git gơ̆p tam klăc bal đah lơgar Việt Nam mờ lơgar Anh jrô ơnàng, mùl màl mờ geh cồng nha.