Đơs tàm pơrjum, Củ tịc Quôk hội ồng Trần Thanh Mẫn đơs sùm, Jơnau lơh nền tàm pơrjum sồ 57 ai jơnau kờñ tus nam 2030, Việt Nam gơwèt mpồl 3 lơgar lam lài tiah đah Jum mat tơngai Lik câu Á, mpồl 50 lơgar lam lài dunia bè bơta pràn jak tàm pơrlòng sồ mờ sơñio sồ bơtàu tơnguh Cíñ phủ điện tử. Tus nam 2045, Việt Nam gơwèt mpồl 30 lơgar lam lài dunia bè tam gơl pa bơceh lơh, tam gơl sồ; jơnau kờñ nam 2030 lơh sa sồ rơ̆p geh rlau 30% GDP mờ gơguh tus 50% tàm nam 2045.

Đơs sùm, mờ bơta jơh nùs lơh ngan bơh jơh ală anih lơh broă cíñ trị mờ gùt làng bol dê, Việt Nam gơtùi lơm geh bơta ƀuơn bơta pràn lơh geh cồng tàm gah broă do, tài bơta bơtàu tơnguh kơ̆ kơl jăp bơh hìu bơnhă, mpồl bơtiàn, tài bơta kis gơs bơh Dà lơgar mờ jơi bơtiàn dê, Củ tịc Quôk hội pin dờn là, mờ bơta nùs nhơm lơh ngan, khin cha, nùs nhơm bồ tơngoh mờ jơh nùs jơh tồr, ală anih lơh broă bơh Quôk hội dê rơ̆p lơh geh ală broă lơh kwơ màng tàm gùng lòt bơt bơtàu Quôk hội sồ, tă pơgồp jơh nùs tàm bơta bơtàu tơnguh mhar mờ kơ̆ kơl jăp bơh Dà lơgar dê.