Geh rlau 700 nă cau ala măt tus bal pơrjum, tàm khà do geh uă cau ala măt ală lơgar tus bơh mpồl kơphê dunia-ICO, cau lơh broă bal kă bro phan ală lơgar:Anh, Đức, Nhờk, Mỹ, Australia, Singapore, Hàn Quốc, Lo, Brazil….

Pơrjum tơrgùm cribơyai ală tơngume bơsram kơlôi sơnơng bè gah phan kơphê, bè: Bơta drà kơphê dunia, gùng dà ngui sa kơphê; ală jơnau sồr, jơnau sồr pal geh gơ wèt tiah tam kơphê…Bal mờ hơ̆, ală cau ala măt kung cribơyai bè gơnoar broă mpồl lơh sa kă bro dê tàm broă tơngguh bơngă kơphê Việt Nam mờ lơh măt kă bro phan kơphê Buôn Ma Thuột- Anih tus kơphê dunia dê; Bơta tăc mờ lơgar ndai kơphê, đơs nền gùng dà drà mờ bơta gơ kơryan ngui sa kơphê dunia tŭ do, pơlam gùng drà ai gah phan kơphê Việt Nam in.