Đơs sơn đờm pơrjum, Củ tịc Quốk hội ồng Trần Thanh Mẫn pà git, bal mờ broă lơh tơl kwang bàng, tơl niam broă lơh tơn tơnơ̆ mờ tŭ adăt, jơnau lơh nền geh Quốk hội ring bal tàm Pơrjum ờ bè ờs dơ̆ 9, ală anih lơh broă neh tơrgùm uă ngan, rơcang bơyai lơh jăt broă lơh jăt broă rơndăp lơh geh sùm, lơh sùm, tàm hơ̆ uă ngan là neh di tŭ rơcang tơl pang sră, sră nggal ală tơngu me yal Anih duh broă lơh kơnòl broă sùm Quốk hội in sền sơwì, pơgồp jơnau đơs tàm pơrjum do.

Dơ̆ pơrjum do, Anih duh broă lơh kơnòl broă sùm Quốk hội pơgồp jơnau đơs bè broă mblàng yal, iăt mờ lơh niam wơl gơwèt 03 jơnau rơcang cih adăt lài mờ tŭ dan geh jơnau đơs tàm Pơrjum cau ala măt Quốk hội lơh broă mìng dùl kơnòl broă, di lah kờñ mờ yal Quốk hội ring bal tàm pơrjum dơ̆ 9 mờr tus, tàm hơ̆ geh: jơnau rơcang cih Adăt Dia ngui krơi is (tam gơl), tŭ do mpồl lơh sa kă bro sền gròi ngan tus bơta do; jơnau rơcang cih Adăt Dia priă geh mpồl lơh sa kă bro (tam gơl); jơnau rơcang cih Adăt Atbồ mờ bơcri priă dà lơgar tàm mpồl lơh sa kă bro...