Do là dùl tàm ală broă lơh ngan ngồn gờm chờ tơngkah kir sơnrai 50 nam tam lơh pha lin Buôn Ma Thuột, tơngklàs càr Dăk Lăk mờ dơ̆ lơh chờ kơphê Buôn Ma Thuột dơ̆ 9 nam 2025. Geh bơyai lơh bơh tŭ do tus jơh ngai 15 nhai 4 do, Ràng tơlik “Dăk Lăk- 50 nam bơt bơtàu mờ bơtàu tơnguh” ràng tơlik rlau 150 sră nggal prap lời wơl, phan bơna, rùp hin mờ 3 tơngume geh Tam lơh pha lin Buôn Ma Thuột- Jơnau đơs crih Tây Nguyên, Dăk Lăk- 50 nam bơt bơtàu mờ bơtàu tơnguh mờ rùp yal tơngĭt pah ngai- đơs crih tam ya.

Tơl tơngume tơrgùm ală rùp hin pơn rơ ngan bè kah yau, ală bơta niam ngan bơta niam chài dê, rài kis mpồl bơtiàn ală jơi bơtiàn gam ơm kis tàm Dăk Lăk, ală cồng nha pơn rơ ngan tàm tŭ bơt bơtàu mờ bơtàu tơnguh bơh càr dê tơnơ̆ ngai Dà lơgar tơrgùm dùl kung bè rùp hin kơnhoàl ù tiah, kòn bơnus càr Dăk Lăk tàm rài lơh mờ măi mok jơh lơm.