Tàm dơ̆ cribơyai kấp dờng, 2 nă kwang đơng lam bồ ring bal tơnguh bơta gĭt gơ̆p đah Việt Nam mờ New Zealand gơguh tus Tam klăc lơh broă bal jŏ jòng tơl làm, lơh geh bơta kơ̆p kờñ bơh làng bol 2 lơgar dê mờ tă pơgồp tàm ring lơngai, kơ̆ kơl jăp, lơh broă bal mờ bơtàu tơnguh tàm tiah do mờ tàm dunia; mơkung đơs sùm pal gờñ bơt bơtàu broă lơh Lơh broă lam lơh bơta gĭt gơ̆p Lơh broă bal kwơ màng tơl làm tơngai bơh nam 2025-2028 nàng lơh ngan ngồn ală tơngume bơh tàm bơta gĭt gơ̆p pa mờ ală jơnau bơceh lơh, broă rơndăp lơh, rơndăp broă lơh lơh broă bal geh ngan.

Bè ală broă tàm tiah do, ală lơgar, 2 gah ring bal tàm tơngai dunia mờ tàm tiah do geh ală tam gơl uă ngan, 2 lơgar lơh ngan sơlơ tơnguh tai cribơyai, bơt bơtàu nùs nhơm pin dờn tàm tiah do dê; sơlơ tơnguh tai pơgồp bal nùs nhơm mờ bơta kờñ bal mờ gơ̆p tàm ală dơ̆ pơrjum cribơyai tàm tiah do mờ ală lơgar, ngan là Liên hợp quôk, Asean mờ ală gùng dà bơh Asean dê tề lam, jờng rơ gơnoar broă tờm bơh Asean dê tàm rơndăp tăp sèng tàm tiah do dê gam geh lơh.