Tàm dơ̆ tìp, Thủ tướng ồng Phạm Minh Chính đơs sùm dơ̆ tus còp geh kwơ màng ngan tàm bơta bàr lơgar pa tơnguh bơta git gơ̆p tus Tam klăc lơh broă bal Jŏ jòng tơl làm mờ lơgar Malaysia tŭ do gam at gơnoar broă Củ tịc mpồl ASEAN.

Bè gùng dà broă lơh bal tàm tơngai tus, bàr gah ring bal tơnguh broă tàm pơgơl bal mpồl mờ tìp bal kấp dờng bal mờ ală kấp tàm ală gah; bơyai lơh pơrjum dơ̆ 8 Anih duh broă Tơrgùm bal bè Lơh broă bal Lơh sa, Bơta jăk, bơta chài đah lơgar Việt Nam mờ lơgar Malaysia tàm nam 2025; gờñ ring bal Broă lơh lơh jăt bơta git gơ̆p Tam klăc bal Jŏ jòng tơl ală bơta tơngai bơh nam 2025 tus 2028; wèt tus kĭ Sră nggal kah bal bè lơh broă bal tàm gah Halal; rề ơnàng lơh broă bal tàm ală gah broă bè lơh sa sồ, lơh sa tơlir, tam gơl năng lượng ring bal,  jak chài măy mŏk, tam gơl pa bơceh lơh, lơh sa suơn sre ngăc ngar, cíñ phủ điện từ, lơngăp lơngai internet.