Tàm dơ̆ wă, Thủ tướng Cíñ phủ ồng Phạm Minh Chính đơs nền Việt Nam sùm sền dờng màng bơtàu tơnguh bơta gĭt gơ̆p mờ lơgar Hungary, Tam klăc lơh broă bal tơl làm sơn rờp bơh lơgar Việt Nam dê tàm tiah đah Jum mat tơngai Lik câu Âu. Thủ tướng ồng Phạm Minh Chính sồr 2 gah gàr niam broă tàm pơgơl mpồl kwang bàng ală kấp, is ồn là kwang bàng kấp dờng. Ƀộ trưởng Ƀộ Cribơyai broă mờ lơgar ndai mờ Lơh sa Lơh broă mờ lơgar ndai lơgar Hungary đơs nền lơgar Hungary kơ̆p kờñ sơlơ tơnguh tai pràn ngan rlau tai bơta gĭt gơ̆p lơh bơyô ờs mờng mờ lơh broă bal uă bơta mờ lơgar Việt Nam, lơh broă bal kwơ màng lam lài bơh lơgar Hungary dê tàm tiah đah Jum Mat tơngai Lik câu Á.

Cribơyai bè ală broă ală lơgar mờ tàm tiah do sền gròi bal, Thủ tướng Cíñ phủ ồng Phạm Minh Chính mờ Ƀộ trưởng Ƀộ Cribơyai broă mờ lơgar ndai mờ Lơh sa Lơh broă mờ lơgar ndai lơgar Hungary ring bal 2 lơgar geh uă bơta ndrờm bal tàm broă lơh lơh broă mờ lơgar ndai, pal sơlơ tơnguh tai tìp mat, cribơyai, lơh broă bal tàm ală dơ̆ cribơyai uă lơgar; ring bal ring lơngai, lơh broă bal mờ bơtàu tơnguh pơn jat tai là broă lơh bal bơh dunia dê, ală tam pìt tam phà kờñ pal geh bơsong mờ broă lơh ring lơngai jat tàm adat boh lam ală lơgar dê, tài bơta kwơ bơh làng bol ală jơi bơtiàn dê.