Thủ tướng Cíñ phủ đơs nền Việt Nam sùm sền lơgar Mỹ là lơgar lơh broă bal geh gơnoar kwơ màng jŏ jòng; đơs nền jơnau sồr sùm bơh Tổng Ƀí thư ồng Tô Lâm mờ kwang đơng lam bồ kwang bàng kấp dờng lơgar Việt Nam dê is ồn sền dờng màng mờ kơ̆p kờñ lơh broă bal niam mờ Gơnoar atbồ Kwang atbồ lơgar Mỹ ồng Donald Trump nàng sơlơ tơnguh tai bơta gĭt gơ̆p Tam klăc lơh broă bal jŏ jòng tơl làm.

Thủ tướng Cíñ phủ đơs sùm pal pơn jat tai ai lơh broă bal lơh sa- kă bro phan- bơcri priă là bơta niam mờ bơta gơn kơnờm bơh bơta gĭt gơ̆p đah 2 gah dê. Cíñ phủ Việt Nam sùm sền gròi lơh geh ală bơta ai ală broă lơh bơh mpồl lơh sa kă bro, cau bơcri priă lơgar Mỹ tàm Việt Nam, đơs nền Việt Nam kơ̆p kờñ bơt bơtàu bơta gĭt gơ̆p lơh broă bal lơh sa- kă bro phan- bơcri priă ring bal, kơ̆ kơl jăp, bơnĕ bơnài bal mờ kơ̆ kơl jăp mờ lơgar Mỹ, tài bơta kwơ bal bơh 2 Dà lơgar dê.