Ala măt đơng lam Cíñ phủ, Thủ tướng Cíñ phủ ồng Phạm Minh Chính jờng rơ ală lơh ngan, pơnđơl pràn mờ cồng nha lơh geh bơh ală ƀộ, gah, ƀòn lơgar dê; bơta sồr lơh kràñ cê jơh nùs bơh ală kwang bàng Mpồl Sồr lơh Cíñ phủ dê; tă pơgồp kwơmàng mpồl cau Kwang àng làng bol; bơta dùl nùs bal, kờñ bal, tus bal jơh nùs bơh làng bol dê, mpồl lơh sa kă bro dê. Thủ tướng đơs sùm, kơnòl broă tơngai tus là kơn jơ̆ ngan.

Bè nùs nhơm sồr lơh, Thủ tướng ai gĭt loh, đah jak chài măy mŏk mờ tam gơl pa bơceh lơh, tam gơl sồ gơ tàm gơ jăt bal đềt mềr ngan, gơ ơm rềp bal ngan mờ gơ̆p, tam gơl pa lơh tam gơl sră pơ àr gơnoar ătbồ mờ ơn kòn bơnus là anih tờm bơh jơh ală broă dê; Bơtàu tơngguh jak chài, măy mŏk, tam gơl pa bơceh lơh, tam gơl sồ mờ Ală jơnau neh lơh nền là jơnau sồr ờ gơtùi tam gơl, là săc rwah jŏ jòng, là ai lài khà dùl. Thủ tướng sồr, ală ƀòn lơgar mhar lơh lơh sồ jơh ală jơnau yal tơnggĭt làng bol dê, jơnau yal tơnggĭt ù tiah, rơcăng lài kơlôi sơnơng gùng dà broă lơh ngui wơl jơnau yal tơnggĭt neh lơh sồ nàng lơh ƀươn gơ wèt 200 sră pơ àr gơnoar ătbồ jăt gơnăp gơnoar.