Do là dơ̆ tus còp kwơ màng ngan tŭ geh boyai lơh tàm tơngai ờ hềt tơl 2 poh tơnơ̆ mờ dơ̆ tus còp bơh Tổng Ƀí thư ồng Tô Lâm tus lơgar Sngapore. Bơta do pà gŏ bơta git gơ̆p đah bàr lơgar Việt Nam Singapore tŭ do gam bơtàu tơnguh niam bơnĕ ngan mờ kwang đơng lam kấp dờng đah bàr gah kung sền gròi ngan mờ tơlik nùs nhơm lơh ngan lơh pràn bơta git gơ̆p do.

Dơ̆ tus còp là dơ̆ niam nàng kwang đơng lam bàr lơgar rơ̆p pơn jăt tai pơgơl ală tơngu me mờ bàr gah neh đơs tàm dơ̆ tus còp bơh Tổng Ƀí thư tus lơgar Singapore pa do dê, dong kờl lơh jăt ală tơngu me tàm jơnau yal bơr bal bè tơnguh kấp git gơ̆p Tam klăc bal jŏ jòng tơl ală bơta đah lơgar Việt Nam mờ lơgar Singapore. Tàm dơ̆ tus còp bơh Thủ tướng lơgar Singapore tus lơgar Việt Nam dơ̆ do, jơh ală kwang đơng lam kấp dờng lơgar Việt Nam ndrờm geh ală dơ̆ tìp mờ kwang đơng lam lơgar Singapore.