Jăt jơnau yal, tus tŭ do gùt lơgar neh lơh gơs, jào rơlao 65 rơbô nơm hìu nàng ală hìu nhă in mŭt ơm tàm hìu pa; mờ gam lơh rơlao 56 rơbô nơm hìu. Bơh tơnơ̆ Dar 2 tàm (nggùl nhai 1) tus tŭ do gơguh mờr 16 rơbô nơm hìu lơh gơs mờ 18 rơbô nơm hìu sơn đờm mŭt lơh.

Đơs tàm dar pơrjum, Thủ tướng ồng Phạm Minh Chính đơs nền do là dùl broă lơh geh gơtha niam chài kòn bơnus uă ngan bơh Đảng mờ Dà lơgar he dê gơwèt mờ làng bol; tơngŏ jơnau kis git jơnau git adăt gơwèt mờ ală cau geh dà kơlhề neh phi să tài dơ̆ kăc màng bơh jơi bơtiàn, bơh dà lơgar he dê bơh ală rài; Tơngŏ nùs nhơm dong kờl bal tàm kờñ gơboh bal, tam klăc bal bơh gùt jơi bơtiàn dê. Den tàng, he mìng bơyai lơh, ờ bơyai sơlơ̆u  wơl, do là jơnau sồr bơh plai nùs dê. Jơnau kờñ ờ geh tam gơl, tus ngai 30 nhai 10 nam 2025 lơh gơs jơnau kờñ do, hơ̆ là lài rơlao 2 nhai pơndrờm mờ broă rơndăp lơh tàm dơ̆ lam lơh pơgăp mờ do 1 nam.