Tơnơ̆ tŭ iăt ală jơnau đơs, Thủ tướng ồng Phạm Minh Chính sồr mpồl sền swì iăt kơno ală jơnau đơs bơh ală cau ala măt dê nàng pơn jăt tai tam gơl lơh sir mờ pơn jăt tai dan jơnau đơs Ƀộ Cíñ trị dê. Thủ tướng đơs sùm, broă cih Jơnau rơcăng cih Jơnau yal Lơh sa- Mpồl bơtiàn tàm bơta dunia tam gơl mhar, kal ke gĭt lài, gơdờp pràn, tơl làm. Thủ tướng sồr pal jăt rềp tàm bơta mùl màl, gơlik bơh bơta mùl màl, ki ngàm mùl màl, ai mùl màl lơh gai was nàng cih jơnau rơcăng cih gơ in di mờ bơta mùl màl; pal mhar rlau, pràn rlau, tam gơl bơta yau gơgơs bơta pa rlau mơya pal gơtùi lơh jăt ngan ngồn, geh cồng nha.

Thủ tướng ai gĭt loh, jơnau sồr den uă, tŭ jiơ den ờ jòng, broă den uă, làng bol kơ̆p gơn, gơn kơnờm pal kơlôi sơnơng lơh bè lơi bơta gơtùi lơh jăt ngan ngồn uă mờ pal lơh geh 2 jơnau kờñ 100 nam bè Pơrjum dờng dơ̆ XIII Đảng dê neh sồr.