Tơnơ̆ tŭ iăt ală jơnau đơs tă pơgồp, đơs pơndŭt dar pơrjum Thủ tướng ồng Phạm Minh Chính đơs sùm, broă lam lơh ală rơndăp broă lơh tờm ngan gah gùng lòt rê tă pơgồp ai gơguh lơh sa bơh jơh gùt lơgar dê tài bè hơ̆ pal tơrgùm kờp sền nền wơl jơnau sồr lơh nàng gơguh tai lơh sa mơkung bơsong geh broă lơh broă sa ai làng bol in, pơgồp bơnah ai priă bơcri dà lơgar, tơngguh uă bơta kwơ ù dê, lơh geh ù tiah bơtàu tơngguh tàm ală ƀòn lơgar.

Thủ tướng sồr ală ƀòn lơgar ngan là ƀòn dờng Hồ Chí Minh mờ ală càr: Bình Dương, Đồng Nai, Long An pơgồp bal mờ Ƀộ Priă jền nàng lơh mhar broă lơh lùp sền nền jơnau yal kơlôi sơnơng gơtùi lơh jăt bơh sơnrờp rơndăp broă lơh Gùng glòm 4 ƀòn dờng Hồ Chí Minh; càr Bình Phước, Dăk Nông lơh mhar tơngai lơh mờ sền swì ring bal jơnau yal kơlôi sơnơng gơtùi lơh jăt ngan ngồn bơh sơnrờp rơndăp broă lơh Gia Nghĩa - Chơn Thành nàng sơnđờm lơh tàm dơ̆ ngai 30/04/2025…Ală cau tờm bơcri priă kờp sền nền wơl priă nàng yal di tŭ jun bơtơl tiah ndai in priă, ală rơndăp broă lơh lam lơh tàm nam 2025 Ƀộ Priă jền pal ai tơl priă ai ală rơndăp broă lơh in.