Đơs tàm pơrjum, Thủ tướng ồng Phạm Minh Chính neh ai gĭt ală bơta geh ngan broă tàm dunia mờ tàm lơgar bơh hơ̆ đơs loh gơnoar broă bơh mpồl lơh sa kă bro dà lơgar dê, tàm hơ̆ đơs wih đơs wơl: Ală mpồl lơh sa kă bro dà lơgar pal pơgồp bơnah dong kờl ai rài lơh sa in mhar pràn kơ̆ kơl jăp lam dà lơgar bơtàu tơngguh yờ đar tàm tơngai tus; Pal tam gơl bồ tơnggoh kơlôi sơnơng, broă tus bal, broă sơnơng, broă lơh mờ pal geh bơh bơta geh ngan, pal hòi tơrgùm bơta pràn làng bol dê nàng mŭt lơh bal; Pal kờp sền nền, bơtơl lơh sir adăt boh lam; Pal ai geh ală gùng dà broă lơh nàng lơh gơlik bơta pràn, nàng bơta pràn geh tơngguh bàr, tơngguh pe, lơh bơta yờ tơngguh, lơh anih kơldìng nàng bol he tam gơl pràn lòt guh.

Thủ tướng pà gĭt, nam 2025 geh gơtha is ồn kwơmàng, là nam tơngguh mhar, tam gơl pràn, pơnđơl gơguh GDP geh êt ngan bơh 8%, lơh geh bơnàng jă, lơh geh bơta pràn, lơh geh nùs nhơm rơcăng lài nàng ală nam pơn jăt tai in gơguh 2 nơm khà. Mờ gơnoar broă mờ bơta pràn he dê, Thủ tướng sồr, ală mpồl lơh sa kă bro Dà lơgar pal tơngguh mhar tam gơl pràn ai jơh gùt lơgar bơtàu tơngguh mhar mờ kơ̆ kơl jăp.